منتدي المصراوية للمنوعات


 
الرئيسيةاليوميةس .و .جبحـثقائمة الاعضاءالمجموعاتالتسجيلدخول
الملك يرحب بالزوار وارجوا من الذين سجلوا ان يفعلوا حساباتهم من ايميلاتهم//////////// عايز تكون مشرف اضغط هنا

شاطر | 
 

 ازاي تنيمي ولادك من غير تعب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رحمة محمد
مشرفه عامه
مشرفه عامه


عدد المساهمات : 129
نقاط مساهمات : 100424
السٌّمعَة : 3
تاريخ التسجيل : 29/06/2011

مُساهمةموضوع: ازاي تنيمي ولادك من غير تعب   الثلاثاء يوليو 12, 2011 5:08 pm

ازاي تنيمي ولادك من غير تعب
انا لاحظت اني ناس كتير بتسأل على الموضوع ده وقلت افيدكوا انا عندي طريقة ممتازة عبارة عن خليط قراءات وتجربة شخصية بس محتاجين نتفق على شوية حاجات
1-الحكاية عايزة طولة بال في الأول
2-اللي ولادها كبروا شويه هيتعبوها حبة في الاول بس بعد كدة هترتاح قوي 3-لازم ننفز الخطوات بدقة علشان النتائج تكون ممتازة
3- محدش يقول ده كلام نظري لأني والله مجرباه وبناتي ماشين على الطريقة دي من يوم ما اتولدوا وعمري ما تعبت في موضوع تنيمهم خالص
4-في الأجازات لو بندي شوية براح في مواعيد النوم مفيش مشاكل بس بنلتزم بالخطوات .
ولنبدأ على بركة الله
1- أول حاجة لازم الطفل يتهيأ نفسيا للنوم يعني قبلها بنص ساعة او ساعة ندي تنبيه ان معاد النوم قرب واننا لازم نخلص اللي فيايدينا بسرعة (مزاكرة -عشاء تليفزيون-رسم )أي نشاط يكون الطفل بيعملوا والكلام ده ينطبق حتى على الرضع لاني الطفل بيفهم مع الوقت مهما كان صغير
2-لازم يكون فيه روتين يومي يتعمل قبل النوم مثلا(حمام دافي -برنامج معين في التليفزيون ارشح حديقة المرح على قناة براعم-تحكيلهم قصة -يتفرجوا على كتاب بيحبوا- تغني له -يغسلوا سنانهم-ويدخلوا الحمام)كل واحدة تعمل الروتين اللي يناسبها ويناسب سن ولادها مع ملاحظة اني القصص والتليفزيون بتناسب حتى الرضع
3- تققللي الاضاءة في الغرفة وتحطي كل واحد في سريره وتبوسيهم وتحضنيهم وكل اللي همه عاوزينه وتدي تنبيه بصوت قوي وحازم وبرضه فيه حنية اني خلاص هننام ومش مسموح نقوم من السرير تاني ومش عايزه اسمع صوت............ والزي منه
4-تسيبي الاوضه وهنا هتبدأ المتاعب للناس اللي مش متعودة دايما........ازا خرجوا وراكي بأي حجة او من غير حجة هتعملي اللي هوه عايزه في حدود وقت مايزيدش عن دقايق مثلا (اشرب-اخش الحمام-نسيت احط حاجه في الشنطة) وبعدين هتدي نفس التعليمات بتاعة النوم تاني بحزم والمرة دي من غير حنية وهتحطيه في سريره تاني
5-دي بقى اهم خطوةوهيه اللي هيتبني عليها نجاح العملية كلها غالبا الاطفال اللي مش متعودين على نظام للنوم لازم هيقوم تاني هتروحي واخداه ومنيماه في سريره بدون أي تواصل معاه يعني مفيش كلام خالص لابوحش ولابحلو ولا كأننك سمعاه ولاتواصل بالنظر حتى يعني ولاتبصيله كأنك رجل الي وتكرري الكلام ده بحزم وطولة بال حتى لو قام من مكابه 50 مرة (حسب درجة عند كل طفل) صدقيني في الاخر هيزهق وكل يوم عدد مرات انه يقوم هتقل والله عن تجربة مع ولاد اخواتي وصاحباتي أصل أنا ساعدت ناس كتير على تنفيز الطريقة دي وكانوا يتصلوا بيه بالليل وانا اثبتهم ممكن يوصل التعب لحد اسبوع بس والله بيدعولي دلوقتي الاطفال الرضع هيعبروا عن اعتراضهم بالبكاء بس برضه هنفز نفس الخطوات عايزه بقى ردود جامدة والتقييم علشان الموضوع
مع تحيات منتدى المصراويه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازاي تنيمي ولادك من غير تعب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المصراوية للمنوعات :: =-- ( اقســـام منوعــه في جميع المجــالات) :: منتـدي المرأه والاسـره والطفل-
انتقل الى: